SHKODËR– Qarku i Shkodrës është më i prekuri nga moti i keq që ka përfshirë vendin prej tre ditësh. Kështu Prefektja Majlinda Angoni ka thërritur mbledhjen e Shtabit të Emergjencave të prefekturës. Në mbledhje ka qenë e pranishme dhe ministrja e Shtetit për Marrëdhëniet me Parlamentin, njëherazi dhe e deleguara e PS-së për këtë qark Elisa Spiropali. Ajo garantoi të gjitha strukturat se qeveria shqiptare ka marrë të gjitha masat për përballimin e kësaj situate.
Bashkitë kanë kërkuar që Qeveria të ndërhyjë pranë Ministrisë së Financeve për zhbllokimin e fondeve për të ndërhyrë në situatën e Emergjencës. Lidhur me këtë drejtori i Agjensisë Kombetare të Emergjencave Civile Haki Çako, i bëri thirrje të gjithë bashkive të Qarkut të aplikojnë për të përfituar fonde nga qeveria për emergjencat civile.
