TIRANË– Ministri i Mbrojtjes Niko Peleshi ka dalë në një konferencë për mediat në lidhje me situatën e vështirë që po kalojnë disa zona të vendit për shkak të motit të keq që ka mbërthyer Shqipërinë që nga mbrëmja e djeshme. Peleshi bën me dije se reshjet e shiut dhe moti i keq parashikohet të vijojnë deri në datën 21 janar. Ai njoftoi se Bashkia Shkodër ka paralajmëruar banorët e zonave të rrezikuara nga përmbytjet që të marrin masa. Ndërkohë ministri ka bërë thirrje ndaj Bashkisë që gjithashtu të monitorohen vazhdimisht lumenjtë e Bunës, Kirit dhe Drinit.
Niko Peleshi: Për ditën e sotme, priten reshje shumë intensive në qarqet Shkodër e Kukës, intensive në Dibër e Lezhë e mesatare në qarqet e tjera. Reshjet pritet të shoqërohen dhe me shtrëngata në Shkodër, Kukës, Dibër, Lezhë, Gjirokastër, Elbasan e Vlorë. Në gjithë zonat e tjera të vendit reshje intensive me intensitet më të lartë në veri të vendit. Prurjet në kaskadën e Drinit do pësojnë rritje prej mëngjesit të ditës sot e deri në 21 janar do kenë rend rritës. Rritje gatishmërie të strukturave të Mbrojtjes Civile që kanë në administrim rezervuare infrastrukturë rrugore, furnizim me energji elektrike. Bashkia Shkodër ka marrë nevojën për marrje masa për paralajërimin e popullsisisë vecanërisht në zonat e Nën Shkdorës, në Rrethina etj të marrë masa për monitorimin e lumenjve të Bunës, Kirit dhe Drinit.
