SHKODËR– Përkeqësohet situata nga moti i keq në Shkodër. Raportohet se lumi Buna ka dalë nga shtrati në Obliq si dhe Muriqan. Deri më tani janë përmbytur 275 hektarë tokë. Ndërkohë bëhet me dije se për shkak të reshjeve intensive niveli i lumit Drin është rritur ndjeshëm duke arritur në pikën maksimale. Po ashtu dhe hidrovori i Bunës po arrin në pikën maksimale.
NJOFTIMI:
Situata në Bashkinë Shkodër, në orën 12:00 të datës 18.01.2023 paraqitet si më poshtë: Niveli i lumit Drin (hidrometri ura e Bahçallekut) shënon kuotën 6.20 m me një rritje prej 15 cm me orën 08:00 të datës 18.01.2023 ( kuota max 7.50 m ) Niveli i Liqenit ( hidrometri ura e Bunës) shënon 7.55 m me një rritje prej 15 cm me orën 08.00 te dates 18.01.2023 ( kuota max 8.70 m ).
