TIRANË– Moti i keq që ka përfshirë vendin ka shkaktuar probleme të shumta në portet dhe aeroportet e vendit. Për shkak të stuhive të forta dhe reshjeve intensive të shiut disa avionë janë detyruar që të ulen në aeroportin e Barit në Itali. ‘Report Tv’ shkruan se një nga avionët ka qenë ai i linjës Romë-Tiranë i cili duhet të ulej në orën 09:55 të mëngjesit të ditës së sotme, por nga moti i keq është detyruar të qëndroje për pak kohë në ajër, dhe më pas është ulur në aeroportin e Barit. Ndërkohë ka pasur fluturime që nuk kanë hasur probleme dhe janë ulur në kohë në aeroportin “Nënë Tereza”.
Dita e nesërme pritet të jetë një ditë e veshtirë sa i përket kushteve atmosferika pasi sipas meterologëve pritet të arrihet dhe kulmi i stuhive dhe instensitetit të reshjeve. Qarqet më të prekura deri më tani janë Lezha dhe Shkodra ku ka mijëra hektarë tokë nën ujë dhe disa dhjetëra banorë të evakuuar nga banesat e tyre.
