TIRANË– Drejtuesi i motorit që u përfshi një ditë më parë në një aksident me urbanin e “Unazës” është vënë në prangat e Policisë këtë të hënë. Përmes një njoftimi Policia bën me dije se ai e drejtonte motorin pa leje drejtimi dhe në sens të kundërt duke shkaktuar kështu përplasjen nga e cila mbeti i plagosur nipi i tij 12 vjeç. Ky i fundit ndodhet në spital jashtë rrezikut për jetën.
NJOFTIMI I POLICISË:
H. Gj., banues në Tiranë, pasi në rrugën “5 Maji”, duke drejtuar motomjetin e tij pa leje drejtimi dhe në sens të kundërt me lëvizjen, është përplasur me autobusin me drejtues shtetasin P. F. Si pasojë është dëmtuar një i mitur 12 vjeç, (pasagjer në motomjet), i cili ndodhet jashtë rrezikut për jetën.
