HIMARË– Kreu i Partisë Bashkimi për të Drejtat e Njeriut Vangjel Dule dhe ambasadorja greke në Tiranë Konstantina Kamitsi kanë komentuar mbledhjen e konstituimit të Këshillit të ri Bashkiak të Himarës në mungesë të kryebashkiakut të dalë nga zgjedhjet e 14 majit Fredi Beleri, i cili ndodhet në burg dhe Gjykata e Posaçme nuk i dha leje që të merrte pjesë në mbledhje ku dhe do të bëhej betimi i tij.
Për Vangjel Dulen kjo që ndodhi këtë të martë në Himarë është një njollë e zezë për demokracinë. Sipas tij duke ironizuar vendimin e GJKKO-së Dule tha se ligji është Maliqi i Ramës. Ai tha se do ti shkohet deri në fund çështjes së tij dhe se Fredi Beleri do të lirohet.
Ndërkohë një koment kishte dhe ambasadorja e Greqisë në Tiranë Konstantina Kamitsi. Për mediat ajo tha se mos lejimi i Belerit për dalë nga qelia, përbën një goditje për shtetin e së drejtës.
Konstantina Kamitsi: Mungesa e kryetarit të zgjedhur në mënyrë demokratike, Fredi Beleri në mbledhjen e parë të këshillit bashkiak përbën goditje të madhe në shtetin e së drejtës dhe parimin themelor të prezumimit të pafajësisë. Do të ishte regres i madh në fushën e shtetit të së drejtës të humbasë të drejtën e kryerjes së detyrës së tij një kryetar bashkie zgjedhur në mënyrë demokratike ndaj të cilit nuk rëndojnë akuza dhe nuk është gjykuar dhe dënuar. BE është mbi të gjitha komunitet parimesh që duhet ti zbatojë cdo vend që do të jetë anëtar i tij,
Vangjel Dule: E mbajnë në burg pa ju dhënë e drejta kushtetuese për të marrë përsipër atë që i ngarkoi sovrani kreun e bashkisë së Himarës. As të lexojnë vendimin e gjykatës së Faktit për Vlorën nuk pritën. E kuptoni e shikoni dhe të gjithë bashkëqytetarët le të nxjerrin konkluzionin. Kjo ishte një njollë e zezë për demokracinë, për shtetin e se drejtës parimet dhe vlerat europiane. I është dhënë vlefshmëri nga gjykata e Faktit. Nuk ka asnjë rol këshilli bashkiak. Ishte leximi i vendimit të vlefshmërisë së mandatit. Vërtetë ka ligj thotë Rama, po unë kam ligjin tim… është Maliqi i Ramës dhe ne ligjin do ta përballojmë si Maliqi. Ne do të vazhdojmë politikisht betejën tonë në të gjitha instancat brenda dha jashtë vendit. Demokracia, shteti i së drejtës janë në rrezik dhe po nuk e kuptuam tani nesër do të jetë vonë. Jemi në fazën e pushtimit të sovjetëve. Kontribuoni në ndërgjegjësimin e qytetarëve. Është frymëzim për të gjithë qytetarët e Himarës. Ne do t’i shkojmë deri në fund Belerit, ka fituar dhe në fund do të triumfoje. Jemi krenar që kontribuojmë për demokracinë.
