TIRANË– E ftuar në studion e “Stay Tund” me moderatoren Valbona Mhilli, në MCN tv, Franceska Murati, e përzgjedhur si “Miss Londër 2023”, rrëfeu për mënyrën e rrugëtimit të saj deri në këtë çmim final. Me shikuesit ajo ndau çudinë e mos përzgjedhjes së vajzave as në listat e miss “Shqipëria”, teksa më vonë u zgjodh më e bukura e Lodrës, bashkë me katër çmime te tjera për të.
“Jam krenare qe jam shqiptare, akoma nuk e besoj dhe kur më thonë njerëzit them ua unë jam. Akoma nuk e kam shijuar. Ka qenë një çmim shumë i pritur për mua sepse unë kam aplikuar për miss Shqipëria, erdhëm bashke me një shoqe që jetonte në Amerikë, të dyja vajza shqiptare që jetonin jashtë, thamë do shkojmë të konkurrojmë të dyja, duke nisur nga dashuria që kemi për vendin. Shkojmë ne, të gjithë na thoin e keni të sigurta, mos e diskutoni, shkojmë dhe aplikojmë dhe emrat dilnin në tv, dhe ne duke pritur, doli lajmi, nuk ishte as emri asaj e as i imi. Ishte një investim, lashë shkollën atje, erdha dhe nuk u pranova. Dhe më la pas një ndjesi brenda vetës që më ka rrejtur mendja kot, ç’desha që i hyra kësaj pune, më la pas shije të keqe, fakti që nuk u përzgjodha fare, më la pas një peng. Dhe pastaj thashë ok do aplikoj në Angli, kam aplikuar katër verë për miss Londra dhe nuk kam shkuar, kësaj radhe thashë pse po ja heq këtë vetes këtë kënaqësi, rëndësi ka që po përzgjidhem, plus që kisha bashkëshortin që më thoshte shko, ti je yll, por si tregova askujt”.
Aty thërrisnin emrin tim dhe unë u shokova dhe në fund vet prezantuesja tha kësaj radhe nuk ka nevojë për të përzgjedhur emrin dhe të gjithë thonin emrin tim, katër herë emrin.
