TIRANË– Janë zbardhur identitetet e tre shqiptarëve të arrestuar në bordin e anijes “Geni”, ku u gjetën 62 mijë litra naftë e kontrabanduar. Në pramga kanë rënë Elton Qyevani, Klajdi Kapxhiu dhe Selim Gaba.
Të gjithë personat e ndaluar do të hetohen për veprat penale “Kontrabanda me mallra për të cilat paguhet akcizë”, “Fshehja e të ardhurave”, “Ruajtja ose depozitimi i mallrave kontrabandë”, “Kontrabanda e kapitenit, pilotit ose ekuipazhit”, dhe “Pastrimi i produkteve të veprës penale ose veprimtarisë kriminale”.
Ata u arrestuan pas një aksioni të Policisë shqiptare me Guardia Di Finanza. Në hambarin e anijes “Geni” u sekuestruan 62 mijë litra naftë e kontrabanduar. Anija u furnizua në brigjet italiane nga një anije libaneze.
