Napoli i pandalshëm, Milan e përndjek
![](http://www.mcntv.al/sites/default/files/2022-11-06/231324666-1b70d4ec-6e2d-41d1-bf25-8daec9d59988.jpg)
Napoli e ka seriozisht me titullin në Serinë A. Të kaltrit kanë mposhtur një nga skuadrat më të forta në Itali, Atalantën falë një përmbysjeje këmbëngulëse.
Vendasit kaluan të parë në avantazh falë një penalltie të realizuar nga Lukmen. Që në pjesën e parë të besuarit e Spaletit shënuan dy gola me të zakonshmin Osimhen dhe Elmas.
Por Milani nuk dorëzohet. Kuqezinjtë mposhtën Spezian me rezultatin 2-1. Teo Hernandez shënoi të parin, ndërsa San Siro u surprizua kur Daniele Maldini, djali i legjendës së Milanit, Paolo MAldini shënoi golin e barazimit për Spezian. Gjithsesi, Zhiru shënoi golin e fitores në minutën e 89 duke u ndëshkuar më pas dhe me karton të kuq.
Zherard Pike e mbylli përfundimisht me Barcelonën. Sfida ndaj Almerias ishte e fundit për mbrojtësin katalanas. ‘Camp Nou’ i dhuroi një lamtumirë si legjendë 35-vjeçarit, ndërkohë Levandovski dhe De Jong menduan për fitoren 2-0 të blaugranëve.
Mançester Siti ka fituar në minutën e fundit ndaj Fulham. Kësaj radhe Haland e shpëtoi Guardiolën nga një ndalesë e mundshme përballë londinezëve.
Sfida filloi mirë për vendasit me Zhulian Alvarez që shënoi golin e parë në minutën e 16-të. Pak minuta më vonë. Zhoao Kanselo shkakton penallti në zonë dhe arbitri i tregon kartonin e kuq. Pereira barazon shifrat.
Në minutën e fundit, De Brujn me zgjuarsi fiton një penallti e cila shndërrohet në gol nga norvegjezi Haland.
Luftë e ashpër dhe në Gjermani. Rruga drejt titullit nuk është dhe aq e lehtë për Bajernin. 3-2 fituan bavarezët në transfertën e Berlinit ndaj Herthës, por pavarësisht 2 golave të Erik Çupo Moting dhe atij të Musiala, vendasit brenda 5 minutash i shënuan dy gola të shpejtë në fund të pjesës së parë.
Ndërkohë, Borusia Dortmund vijon ndjekjen e kryesuesve me një fitore 3-0 ndaj në shtëpi ndaj Bokum.