Jean-Noel Barot, ministri francez për ekonominë Dixhitale u shpreh se në Francë Apple do të ndalojë shitjen e modelit iPhone 12.
Mbikëqyrja franceze ANFR ka informuar Apple për vendimin e saj për të ndaluar shitjen e iPhone 12 pas testeve të kryera.
Ministri u shpreh se testet treguan që shkalla specifike e përthithjes (SAR) e telefonit inteligjent është pak më e lartë se e lejuar me ligj.
Reuters i kërkoi Apple koment për vendimin, por nuk mori përgjigje.
Barot pretendon se një përditësim i softuerit do të mjaftonte për të zgjidhur problemin e rrezatimit, të cilin kompania amerikane e shet që nga viti 2020. Ai shton:
“Apple pritet të përgjigjet brenda dy javësh. Nëse nuk e bëjnë, unë jam gati të urdhëroj një tërheqje të të gjithë iPhone 12 në qarkullim. Rregulli është i njëjtë për të gjithë, duke përfshirë gjigantët dixhitalë.”
Mbikëqyrësi francez tani do t’ua përcjellë gjetjet e tij rregullatorëve në shtetet e tjera anëtare të BE-së.
Në vitin 2020, Franca zgjeroi rregulloret që u kërkonin shitësve me pakicë të shfaqin vlerën e rrezatimit të produktit në paketim.
