ELBASAN– Detaje të reja janë zbardhur mbi vdekjen e 34-vjeçares Etleva Çullhaj, e cila ishte nënë e dy fëmijëve, dhe jetonin me qira në Elbasan. Ndërkohë mësohet se bashkëshorti i viktimës ndodhet në Greqi, i burgosur ndërsa familjarët e saj jetojnë në Baldushk.
Etleva Çullhaj, dy muajshe shtatzënë, është paraqitur në Maternitetitn e Elbasanit rreth orës 12:00 të ditës së hënë ku ka shkuar të bëje kontrollin në spital dhe mjekët kanë konstatuar se fëmija ishte pa shenja jete. Ekspertiza mjeko-ligjore pritet të jetë ajo që do të hedhë dritë mbi shkaqet dhe vijimësinë e hetimeve. po ashtu mjeku gjinekolog si dhe ai reanimator, Arben Paralloi dhe Behar Gjevori janë shoqëruar në 12 të natës në polici por janë lënë të lirë pas ekspertizës, ku lidhur me këtë ngjarje policia i ka vënë në hetim këta dy të fundit për akuzën e neglizhencës në trajtim mjekësor. Grupi hetimor i ngritur po punon për zbardhjen e plot të rrethave të ngjarjes së rëndë.
