GOLEM– Një ngjarje e rëndë ka ndodhur ditën e sotme në Golem ku një burrë 66-vjecar, banues në Elbasan ka mbetur i vdekur. Ngjarja e rëndë ka ndodhur sapo 66-vjeçari ra në kontakt me ujin në anë të detit, ka shfaqur probleme shëndetësore, dyshohet arrest kardiak.
NJOFTIMI I POLICISË:
Në Golem, shtetasi M. K., 66 vjeç, banues në Elbasan, sapo ra në kontakt me ujin në anë të detit, ka shfaqur probleme shëndetësore, dyshohet arrest kardiak. Menjëherë i është dhënë ndihma e parë nga familjarët e tij dhe nga roja i plazhit, por gjatë transportimit në spital, me ambulancë, ky shtetas ka humbur jetën. Grupi hetimor vijon punën për përcaktimin e saktë të shkakut të humbjes së jetës.
