TIRANË– Debate në Kuvend. Arrestimi i Sekretares së Përgjithshme të Ministrisë së Shëndetësë për korrupsion ka ndezur “gjakrat” në seancën plenare të kësaj të hëne. Në debat u përfshinë deputeti i Partisë Demokratike Gazment Bardhi, drejtuesja e seancën Ermonela Felaj dhe zëvendëskryeministrja Belinda Balluku. Nuk munguan fyerjet dhe ironitë mes palëve.
DEBATI:
Ermonela Felaj: Ju replikuat në fjalën tuaj dhe e morët përgjigjen përmes fjalës së ministres. Koha e saj do të llogaritet në emër të grupit.
Gazment Bardhi: Unë dua ti përgjigjem.
Ermonela Felaj: Përgjigjen që doni ta jepni që nuk e jeni dot sepse nuk e lejon rregullorja, le ta japë një koleg i juaji që ka radhën për të folur.
Gazment Bardhi: Unë kam të drejtën e replikës, dua ti jap përgjigje asaj.
Ermonela Felaj: Nuk ka replikë mbi replikën. Fjalën do tia jap zotit Sula.
Gazment Bardhi: Ministrja bëri një pyetje, do ti kthej një përgjigje.
Ermonela Felaj: Nuk ka rregullore që deputetët i bëjnë pyetje njeri tjetrit dhe jepni përgjigje.
Belinda Balluku: Nuk të pëlqeu përgjigjja?
Gazment Bardhi: Ke ti fytyrë të flasësh moj?
Ermonela Felaj: Zoti Sula afrohuni.
Belinda Balluku- Gazment Bardhit: E di që je i shqetësuar, por qetësohu.
Gazment Bardhi: Bëri një pyetje ministrja, më jepni pyetje të flas.
