Situata mbetet e paqartë mes pretendimeve të ushtrisë izraelite dhe organizatave ndërkombëtare për ndihmat në Gaza.
Ushtria izraelite ka deklaruar se njëqind kamionë me ndihma humanitare, që përfshijnë miell, ushqim për fëmijë dhe pajisje mjekësore, kanë hyrë në Rripin e Gazës përmes pikës kufitare Kerem Shalom. Megjithatë, burime të cituara nga agjencia Reuters më herët raportuan se vetëm rreth 15 kamionë kishin arritur në zonë.
Në kontrast të fortë me këto deklarata, Organizata e Kombeve të Bashkuara (OKB) ka shprehur shqetësim, duke theksuar se “asnjë ndihmë nuk është shpërndarë” në terren.
