Pas një jave përmbytjesh që goditën vendin në Libi, u zhvillua operacioni i shpëtimit në një zonë pranë Dernës duke shpëtuar një familje me pesë anëtarë e cila u nxor e gjallë nga rrënojat nën të cilat ishin bllokuar.
Prokurori i Përgjithshëm ka njoftuar hapjen e një hetimi për shembjen e dy digave që shkaktuan përmbytjen katastrofike në Derna. S
ipas rikonstruksionit të parë të fakteve, digat e dëmtuara janë ndërtuar në mesin e viteve 1970 nga një kompani nga Jugosllavia, bazuar në kërkesat e sigurisë së kohës.
Sipas kryebashkiakut të Dernës mirëmbajtja e digave nuk është kryer siç duhet që nga viti 2002, ndërsa bombardimet e NATO-s, lufta civile dhe trazirat e mëvonshme vetëm sa e kanë përkeqësuar situatën.
Për OKB-në, nëse Libia do të kishte pasur një sistem adekuat të paralajmërimit të motit, tragjedia mund të ishte shmangur, ose të paktën mund të ishte lëshuar një urdhër evakuimi efektiv.
