Ndreca: Nuk është e vërtetë që bleu Bashën! Me Ramën nuk kam pirë asnjëherë kafe

Plarent Ndreca, anëtari i Këshillit Bashkiak të Tiranës dhe një nga drejtuesit e Partisë Socialiste për kryeqytetin,  thotë se Partia Socialiste nuk është lodhur me tre mandate pasi i është besuar nga qytetarët dhe se në momentin që shfaq shenja lodhje duhet të lësh pushtetin.

Në emisionin Stay Tuned nga Valbona Mhilli në  MCN Tv,Ndreca u pyet nëse Edi Rama e bleu Lulzim Bashën, tha se nuk është e vërtetë.

Thjesht zoti Basha ka mbajtur qëndrime të gabuara politike, ashtu ka menduar se i intereson, por ka gabuar rëndë. Se po ta kishim blerë, i bie të kishim blerë dhe këtë që thotë se është blerë, se ishin bashkë atëherë.

I pyetur se si e priti Edi Rama kur u bashkua me Partinë Socialiste, Ndreca tha se nuk e ka pritur fare dhe se nuk ka kontaktet që mund të mendohet.

E kam takuar në 3-4 mbledhje, në fushatë 2-3 herë.

Ndër të tjera ai deklaroi se nuk ka pirë kafe me Kryeministrin.

Ndoshta ai ka pirë kafe në prezencën time, jo unë. Nuk kemi pirë kafe, që të ulemi bashkë. Shumica e njerëzve kanë marrëdhënie në distancë, për shkak të pozicionit që ka nuk është e lehtë të pish kafe me të.