TIRANË– Kjo e mërkurë ka sjellë ndryshime në Ministrinë e Financave. Kështu me vendim të Këshillit të Ministrave Besart Kadia është larguar është larguar nga ky dikaster për tu emëruar në atë të Punëve të Jashtme. Kadia është liruar si zëvendësministër në Ministrinë e Financave për tu emëruar në të njëjtin post në Ministrinë e Punëve të Jashtme. Vendi i Kadias është zënë nga Endrit Yzeiraj, i cili më herët mbante postin e zëvendësministrin tek MEPJ-së, duke realizuar kështu një rokadë në kabinetin qeveritar.
Vendimi i Këshillit të Ministrave:
V E N D I M
PËR
EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Z. Besart Kadia emërohet zëvendësministër për Evropën dhe Punët e Jashtme.
Ky vendim hyn në fuqi menjëherë.
EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Z. Endrit Yzeiraj emërohet zëvendësministër i Financave dhe Ekonomisë.
Ky vendim hyn në fuqi menjëherë.
