TIRANË–Ish-kryebashkiaku i Fushë-Arrëzit Fran Tuci, i arrestuar nga Prokuroria e Posaçme Kundër Korrupsionit dhe Krimit të Organizuar (SPAK) për shpërdorim detyre dhe shkatërrim prone ka shfaqur probleme shëndetësore dhe është dërguar nga paraburgimi i Reçit në spitalin e burgut, shkruan Balkanweb. Tuci u arrestua me urdhër të SPAK pas hetimeve të gjata nga prokurorët e posaçëm.
Sipas SPAK nga hetimet “ka rezultuar e provuar se ish-titullari i Bashkisë Fushë Arrëz, në bashkëpunim më ish-Administratorin e Njësisë Administrative Iballë, me veprime dhe mosveprime në kundërshtim me ligjin, të cilat përbëjnë mospërmbushje të rregullt të detyrës, duke sjellë në të njëjtën kohë edhe pasojë të rëndë materiale për shtetin, kanë lejuar hapjen e një segmenti të ri rrugor auto rural, të pamiratuar më parë nga autoritetet kompetente”.Fran Tuci ka drejtuar pushtetin vendor në Fushë Arrëz për dy mandate, si i zgjedhur partisë socialiste, nga viti 2015 deri para pak muajsh.
