TIRANË– Ambasadorja e Shteteve të Bashkuara të Amerikës gjatë fjalës së saj në ceremoninë e 110 vjetorit të Gjykatës së Lartë me sa duket mbajti dhe një fjalim “lamtumire” në fund të mandatit të saj kur tashmë dhe emri i ambasadorit të ri është konfirmuar. Kim tha se SHBA-të mbeten të angazhuara në marrëdhënien me Shqipërinë si dhe vuri theksin tek Reforma në Drejtësi. Ndër rreshta diplomatja amerikane tha se tashmë është koha për një ambasador të ri.
Yuri Kim:SHBA mbeten të përkushtuara për të mbështetur Shqipërinë, puna që ju po bëni është thelbësore për integrimin. Pas 3 viteve është koha për një ambasador të ri, por ajo që unë mund të them me siguri është se mbështetja e SHBA për sistemin e drejtësisë nuk ka për të ndryshuar. Na është dashur që me të gjithë që jeni këtu kemi bërë biseda të vështira, por ju duhet të kuptoni se kur ne themi që reforma në drejtësi duhet të bëhet, ne e dimë që Shqipëria ka mundësi që të arrijë gjëra më të mëdha.
