TIRANË– Një 36-vjeçar i identifikuar me inicialet R.(L).P, i cili rezultonte i shpallur në kërkim ndërkombëtar nga Italia është vetëdorëzuar këtë të hënë në Komisariatin numër 2 të Tiranës. Blutë e kryeqytetit bëjnë me dije se 36-vjeçari ishte shpallur në kërkim pasi akuzohej për organizatë kriminale dhe trafik droge. Po vijohet me procedurat përkatëse në bashkëpunimin me Interpol Tiranën për të bërë të mundur ekstradimin e tij drejt Italisë.
NJOFTIMI I POLICSË:
Më datë 24.04.2023, në Komisariatin e Policisë Nr. 2 është vetëdorëzuar shtetasi R.(L). P., 36 vjeç, banues në Yzberisht, Tiranë, i cili ishte shpallur në kërkim ndërkombëtar, pasi autoritetet gjyqësore italiane kanë lëshuar ndaj tij, urdhër arrestin për veprat penale “Organizatë kriminale” dhe “Trafikimi i narkotikëve”. Në bashkëpunim me Interpol Tirana vijojnë procedurat për ekstradimin e tij.
