SPANJË– Një 33-vjeçar shqiptar është vënë në prangat e Policisë spanjolle pasi rezultonte i shpallur në kërkim nhdërkombëtar nga Gjermania dhe Holanda për trafik droge, tentativë rrëmbimi, grabitje dhe plagosje. Shqiptari kishte dy urdhra ekstradimi, një nga Holanda dhe tjetri nga Gjermania dhe rrezikon 15 vite burg. Në vitin 2018 i arratisuri u kap në qytetin e Amsterdamit me gati tre kilogramë kokainë, një substancë e destinuar për shitje dhe trafikim.
33-vjeçari, identiteti i të cilit nuk është bërë i ditur akuzohet se ka tentuar të rrëmbejë një burrë, i cili dyshohet se i ka borxh shumën prej 3500 euro për një transaksion pasurie të paluajtshme. Sipas urdhrit gjerman të ekstradimit, i arrestuari, në qytetin e Frankfurtit, do t’i kishte drejtuar një pistoletë në kokë viktimës dhe do ta detyronte atë të hipte në një automjet për të kërkuar pagesën e një borxhi si kusht për lirimin e saj dhe më pas do ta kërcënonte. Për këto fakte të fundit, autoritetet gjermane lëshuan një urdhër arresti evropian për ekstradim (OEDE) për vendndodhjen dhe arrestimin e këtij personi, i cili mund të dënohet me burgim deri në 15 vjet në Gjermani.
