TIRANË– Struktura e Posaçme Kundër Korrupsionit dhe Krimit të Organizuar ka sekuestruar ditën e sotme 10 pasuri në emër të Florenc Çapjas i akuzuar për vrasjen e babë e bir Nezir dhe Gentian Beqiri në 2012 në Elbasan. Pasuritë e sekuestruara janë 4 pasuri tokë arë, 2 e ndërtesa, 2 godina banimi, lavazh bar kafe dhe një automjet tip ‘Audi’. Gjithashtu SPAK ka nisur ndaj Çapjas dhe një hetim për vrasje të mbetur në tentativë ndaj Sokol Sanxhaktarit, dhëndrit ta ish-kryebashkiakut të Elbasanit, Qazim Sejdini.
Pasuritë e sekuestruara:
1. Tokë Arë me sipërfaqe 500 m2 në Udënisht në emër të Ferit Muçës
2. Ndërtesë Ekonomiko-Sociale 36 m2 në Elbasan në emër të Fejzulla Çapjas
3. Tokë Arë+Truall+Ndërtesë me sipërfaqe totale 1756 m2 në emër të Fejzulla dhe Xhemile Çapja.
4. Godinë Banimi me sipërfaqe trualli 498 m2 dhe 293 m2 banesë në emër të Fejzulla Çapjas.
5. Truall dhe ndërtesë me sipërfaqe totale 360 m2 në emër të Bledar Muçës
6. Tokë Arë me sipërfaqe 720 m2 në emër të Fejzulla dhe Xhemile Çapjas.
7. Tokë Arë me sipërfaqe 764 m2 në emër të Fejzulla dhe Xhemile Çapjas
8. Tokë Arë me sipërfaqe totale 1380 në emër të Fejzulla dhe Xhemile Çapjas
9. Automjet tip “Audi A8 Marka 4E”
10. Lavazh dhe Bar-Kafe në emër të Fejzulla Çapias.
