Ndërsa temperaturat bien në dimër, problemet shëndetësore të lidhura me motin fillojnë të rriten. Moti i ftohtë sjell një sërë rreziqesh, veçanërisht për më të moshuarit, thotë geriatrja Suzanne Salamon, instruktore në Shkollën Mjekësore në Harvard. Më poshtë mund të gjeni disa nga mënyrat se si ndikon të ftohtit në organizmin tuaj, dhe mënyrat se si të mbroheni.
Sistemi imun
Gjatë muajve të dimrit, njerëzit kalojnë më shumë kohë brenda dhe në kontakt të ngushtë me njëri-tjetrin, si në dyqane, qendra tregtare dhe restorante. Kjo do të thotë që gripi, kolla dhe ftohjet përhapen më lehtë.
Çfarë mund të bëni: Merrni vaksinën kundër gripit, lani duart shpesh me sapun dhe ujë ose sanitizues dore dhe kollituni dhe teshtitni në mëngën e bërrylës ose faculetë, jo në duart tuaja.
Zemra
Moti i ftohtë vepron si një vazokonstriktor, që do të thotë se ngushton enët e gjakut. Kjo ngre rrezikun e sulmit në zemër.
Çfarë mund të bëni: Vishuni ngrohtësisht kur dilni, me kapelë, dorëza dhe pallto të ngrohtë. Mos bëni ndonjë aktivitet të sforcuar jashtë që mund të stresojë zemrën tuaj, siç psh largimi i dëborës, e të ngjashme.
Ekuilibri
Trotuaret e akullta mund të ndikojnë në rrëzimin më të lehtë, duke shtuar rrezikun për thyerje të gjymtyrëve.
Çfarë mund të bëni: Shmangni sipërfaqet e rrëshqitshme nëse është e mundur. Vishni këpucë ose çizme me thembra shumë të teksturuar që mund të mbërthehen për sipërfaqe të borës apo akullit. Përdorni parmakë, edhe nëse mendoni se nuk keni nevojë.
Lëkura
Ajri i thatë i dimrit mund të thith lagështinë nga lëkura juaj.
Çfarë mund të bëni: Përdorni një hidratues me një bazë vaji për të bllokuar avullimin. Dush në ujë të vakët dhe jo të nxehtë. Përdorni një lagështues për të rimbushur lagështirën në shtresën e sipërme të lëkurës.
Temperatura trupore
Të moshuarit janë të rrezikuar nga hipotermia, në të cilën temperatura e brendshme e trupit bie shumë ulët. Edhe ekspozimi i zgjatur ndaj të ftohtit të butë mund ta shkaktojë atë.
Çfarë mund të bëni: veshuni me rroba të ngrohta nëse dilni përjashta, dhe mbuloni qafën, kokën dhe duart tuaja.
