ITALI: Këtë të hënë është ndarë nga jeta aktori i njohur italian Francesco Nuti. Lajmi i bë i ditur nga vajza e tij ku në njoftimin e bërë kjo e fundit falenderoi personelin shëndetësor dhe të gjithë ata që ishin kujdesur për aktorin në periudhën afatgjatë të sëmundjes.
Kujtojmë këtu se Francesco Nuti i ka shërbyer artit italin për shumë vite. Ai ishte i njohur edhe nga shqiptarët sidomos në vitet 1980 – 1990. Nuti në një sfidë të gjatë me shëndetin u detyrua që para shumë viteve të hiqte dorë nga aktrimi.
Komeditë e tij brilante me tone të paqarta surrealiste patën një sukses të jashtëzakonshëm në vitet ’80 falë filmave si “Unë” “Gjithë fajin e ka Parajsa” dhe “Femrat me funde” një film i suksesshëm që theu të gjitha rekordet e fitimeve në sezonin 1991/92, duke shënuar momentin më të suksesshëm në karrierën e Nutit, i cili ishte skenaristi, regjisori dhe aktori kryesor i atij filmi përkrah bukuroshes, Carole Bouquet.
Nuti lindi në Prato më 17 maj 1955 dhe bëri debutimin e tij si aktor amator kur ishte ende student, duke shkruar monologët e tij.
