Arsenal u mposht “atëherë kur nuk duhej” mbrëmjen e djeshme në supersfidën nadj Manchester City me rezultatin e thellë 4 me 1, mirëpo humbja duket se ka motivuar edhe më shumë lojtarët për fundin e sezonit.
Me anë të një postimi, në rrjetin social “Instagram”, një nga “shtylla” e mbrojtjes së djemve të Mikel Artetas, Gabriel Magalhaes është shprehur se nuk do të dorëzohen dhe për hir të tifozëve do të bëjnë të pamundurën për të rikuperuar pikët e humbura ndaj “Sky Blues”.
“Unë e dua këtë klub, këtë ekip, ndihem si në shtëpinë time. Dhe këtu dua të fitoj dhe të arrij objektivat e mia. Nuk do të dorëzohemi, do të luftojmë dhe do ta mbrojmë fanellën e Arsenalit deri në fund. Në arenën e fitores do të ketë gjithmonë një vend për luftëtarët që nuk dorëzohen kurrë pas një rënieje,”- thuhet në postimin e plotë të brazilianit.
