Nën efektin e drogës, një i ri në Tiranë plagos veten
Një djalë i ri në Tiranë, ka plagosur veten nën efektin e lëndës narkotike. Nga të dhënat paraprake policia bën të ditur se ngjarja ka ndodhur në rrugën “Andon Zako Çajupi”.
Më konkretisht, shtetasi I. M., 33 vjeç, i cili vuan nga depresioni, dyshohet se nën efektin e lëndëve narkotike, është vetëplagosur në këmbë, me mjet prerës.
Aktualisht ndodhet në spital, nën kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të ngjarjes.
