Dy persona u kapën në flagrancë duke peshkuar në Liqenin e Shkodrës me pajisje që furnizohen me energji elektrike të cilat janë të ndaluara për shkak të rrezikut që kanë.
Shtetasit përkatësisht të moshës 52 dhe 36 vjeç, banues në lagjen “Guerrile”, akuzohen për veprën penale “Peshkimi i ndaluar” dhe janë proceduar penalisht.
Gjatë kontrollit, u gjetën dhe u sekuestruan në cilësinë e provës materiale mjeti lundrues dhe pajisjet që shërbenin për peshkimin paligjshëm.
