Nesër do të jetë mbledhja mes dy qeverive, asaj të Shqipërisë dhe asaj të Kosovës, mes Edi Ramës dhe Albin Kurtrit. Mbledhja do të zhvillohet në Gjakovë, ku nga ky takim do të lindin një sërë marrëveshjesh dhe përfitimesh për të dyja palët.
Albin Kurti ka thënë se gjithashtu në këtë mbledhje do të ketë diskutime rreth zonave kufitare, ku mbi 200 mijë shtetas te Kosovës dhe Shqipërisë të kalojnë lirshëm.
“Me këngë e valle shqipe po e festojmë lidhjen dhe lirinë një ditë para se të forcojmë bashkëpunimin. Për herë të dytë si nikoqir takohemi në Gjakovë. Do ia shtojmë edhe 13 marrëveshje të reja në fushën e drejtësisë, shëndetësisë, bujqësisë. Diskutimi për bashkimin doganor, krahas ushtrimit të profesionit të avokatit etj. Veçanti është edhe takimi i përbashkët me kryetarët e komunave të zonave kufitare. Do të diskutojmë se si sfida ti kthejmë në mundësi. Lëvizjes së qytetarëve u kemi dhënë vëmendjen e duhur. Nga prilli i këtij vitit mbi 200 mijë shtetas të Kosovës dhe Shqipërisë kanë të drejtë të kalojnë kufirin lirshëm dhe të qëndrojnë në zona kufitare. Krahas marrëveshjeve e memorandumeve të bashkëpunimit në njohjen e të drejtës për ushtrimin e avokatit dhe ndërmjetësit, për bursa studentore, ofrimin e shërbimeve shëndetësore, lehtësimin e procedurave të mallrave ushtarake dhe të produkteve me origjinë joshtazore”- tha Kurti.
