Partia Demokratike do të mbledhë ditën e nesërme, e shtunë 2 shtator, Kuvendin Kombëtar, në orën 10:00 në Pallatin e Sportit ‘Asllan Rusi’. Kryetari i PD Lulzim Basha përveç prekjes së statutit të PD-së, në vijimësi pritet t’i hapë rrugë ndryshimit të kupolës drejtuese, përfshirë Kreun e Grupit Parlamentar, që sipas statutit, zgjidhet në mesin e nënkryetarëve të partisë.
Burime për Newszone.al bëjnë të ditur se në çelje të Kuvendit fillimisht do të mbajnë fjalime disa të rinj.
Pas disa fjalimeve do të mbajë fjalën e tij për gati 1 orë kreu i PD, Lulzim Basha.
Pas fjalës së Bashës, do të prezantohen ndryshimet statutore dhe fillimisht do të jetë Komisioni i Ndryshimeve Statutore që do sqarojë ndryshimet e bëra ndërsa në vijim do të votohet me ngritje kartoni për këto ndryshime nga delegatët.
Nesër po ashtu do të votohet Këshilli i ri Kombëtar dhe teksa do të ketë fjalime të hapura njëkohësisht do të votohet.
Kuvendi i të shtunës, nuk do të thërrasë 7646 delegatët që ky organ i PD kishte përpara ndarjes së demokratëve.
Listat, sikurse ndodhi me Këshillin Kombëtar do të pastrohen nga “berishistët” dhe me rifreskimet e bëra në Kuvend do të marrin pjesë rreth 5000 delegatë nga rreth 7000 që kanë qenë.
Kuvendi i fundit që PD zyrtare ka mbajtur ishte ai i 18 Dhjetorit 2021, në kulmin e luftës me grupimin e Sali Berishës ku Basha mblodhi 5004 delegatë dhe vendosi që non gratat e SHBA të qëndrojnë larg drejtimit të partisë.
Me sa duket edhe ky Kuvend do ta thellojë edhe më tej ndarjen e PD në dy kampe.
/ Newszone
