Kombëtarja shqiptare u kthye nga Çekia ku barazoi me rezultatin 1-1 për eleminatoret e Kampionatit Europian dhe menjëherë ka nisur stërvitjen stërvitore të radhës, të parën nga dy gjithsej që ka në program për Poloninë. Ndeshja do të luhet këtë të dielë në “Arena Air Albania”. Trajneri Silvinjo e di se duhet të bëjë zgjedhjet e duhura. Sipas parimit, ekipi që fiton nuk ndryshohet, tekniku kuqezi do të ketë të paktën 9 lojtarë të njëjtë nga formacioni i së enjtes. Sa i përket zëvëndësimeve, të vetmet mund të jenë: Myrto Uzuni në sulm për Taulant Seferin, dhe Ivan Balliu që mund të zerë vendin e Mario Mitajt në mbrojtje, edhe pse lojtari I Lokomotivës së Moskës u paraqit mjaft mirë.
Mesfushori Qazim Laçi nuk nuk do jetë i pranishëm sepse nuk e kaloi dot gjendjen gripale e cila e pengoi edhe ndeshjen e kaluar, ndërsa Keidi Bare, pavarësisht se ka ende probleme fizike nuk do të pjesë e ekipit. Kuqezinjtë janë në vend të dytë në grup me 7 pikë, ndërsa Polonia i ndjek me 6.
