Nesër takimi Lukashenko-Putin

Pritet që ditën e nesërme të zhvillohet takimi midis Presidentit të Bjellorusisë Aleksandër Lukashenko me homologun e tij rus, Vladimir Putin.
Sipas Agjencisë shtetërore bjelloruse thuhet se temat kryesore të këtij takimi do të jenë “axhenda ndërkombëtare dhe çështjet rajonale”.
Takimi vjen pas vizitës që udhëheqësi i Koresë së Veriut, Kim Jong Un zhvilloi në Moskë, ku u takua me Putinin.
Në takimin e zhvilluar midis tyre Putin dhe Kim Jong Un ranë dakord për shkëmbim armësh, për të cilën SHBA dhe Perëndimi paralajmëruan sanksione.