Nga fjalimi i Ilir Metës te ridimensionimi i LSI, çfarë pritet të ndodhë sot në Konventën Kombëtare
Lëvizja socialiste për integrim do të mbajë sot
orën 19:00 në Pallatin e Kongreseve, Konventën Kombëtare, një event i rëndësishëm politik për këtë parti. I pranishëm do të jetë edhe Ilir Meta, i cili rimori kartën e anëtarësisë dhe do të mbajë fjalim para mbështetësve të tij.
Endrit Braimllari bëri me dije se Konventa Kombëtare do të shërbejë si pikënisje për një ridimensionim të LSI. Ndërsa rikthimin e Metës e cilëson si domosdoshmëri për të bërë të mundur ndryshimin. Këtë e konfirmoi edhe vetë Ilir Meta në konferencën për mediat këtë mëngjes duke sqaruar se është rikthyer për të shpëtuar integrimin evropian, ndërsa theksoi se do të punojë për të rikthyer referendumet në Shqipëri dhe fuqia do t’i rikthehet popullit.
Fjalime do të mbajnë përveç Metës, edhe figurat qendrore të kësaj force politike. Pas saj, pritet që të zhvillohen zgjedhjet që do të ngjisin sërish në krye themeluesin e kësaj force politike,sot pritet sipas burimeve që Ilir Meta mund t’i ndryshojë edhe emrin.
