Këshilltari i çështjeve ekonomike në Partinë Demokratike, Dorjan Teliti, ka reaguar në rrjetet sociale mbi situatën ekonomike në vend, duke e cilësuar Shqipërinë në një krizë të thellë që prek shumicën e qytetarëve.
Duke iu referuar një raporti të Bankës Botërore, Teliti thekson se shqiptarët janë populli më i varfër në rajon dhe se pasuria po përqendrohet te një pakicë, ndërsa shumica e qytetarëve përballen me vështirësi ekonomike.
Teliti akuzon qeverinë se po hesht për këtë situatë, ndërsa PD propozon një sërë masash për të adresuar krizën ekonomike.
Ai e përfundoi reagimin e tij me thirrjen për një drejtësi ekonomike, duke theksuar se është koha që politika të punojë për shumicën e qytetarëve dhe jo për një grusht të pasurish.
Reagimi
SHQIPËRIA NË KRIZË: RRITJA EKONOMIKE VETËM PËR TË PASURIT, VARFËRIA THELLOHET.
Raporti i Bankës Botërore ka zbuluar përsëri të vërtetën e hidhur:
📉 1. Shqiptarët janë populli më i varfër.
💰 2. Pasuria përqëndrohet te një pakicë, ndërsa shumica e qytetarëve po zhyten varfëri dhe jetojnë në vështirësi të theksuar ekonomike.
✈️ 3. Emigrimi masiv dhe mungesa e vendeve të punës po rrënojnë të ardhmen e vendit!
Qeveria hesht pasi është arkitekte e kësaj katastrofe ekonomike e sociale, ndërsa PD ka një zgjidhje konkrete:
✅ 1. Vendosim minimumin jetik prej 200€ – askush nuk duhet të jetojë në mjerim!
✅ 2. Rimbursojmë TVSH-në për mallrat bazë – qytetarët meritojnë çmime më të përballueshme!
✅ 3. Rrisim pagat dhe pensionet – është koha që shqiptarët të jetojnë me dinjitet!
✅ 4. Fuqizojmë sipërmarrjen dhe hapim vende të reja pune – ndalim varfërinë në rrënjë!
⏳ Mjaft me pasurimin e një grushti njerëzish! Shqipëria ka nevojë për drejtësi ekonomike dhe politika që i shërbejnë shumicës, jo oligarkëve! 🇦🇱
