TIRANË– Alda Klosi, tashmë një ish-zyrtare e lartë e shtetit duket se ashtu siç ka ngritur shkallët e karrierës me shpejtësi po me të njëjtin ritëm ka shtuar dhe pasurinë e saj. Kështu Klosi kur mori për herë të parë në një detyrë të lartë në administratën shtetërore si drejtoreshë në Ministrinë e Financave në vitin 2006 kishte deklaruar në Inpsektoriatin e Dekklarimit të Pasurisë në pronësi të saj dhe të bashkëshortit vetëm një apartament modest prej 47 metrash katrorë në kryeqytet me vlerë 2,5 milion lekë, një automjet Toyota Yaris i vlerësuar 180 mijë lekë dhe disa llogari bankare me vlera të ulëta ose të papërfillshme, prej 7 eurosh apo 3,8 dollarësh. Ndërsa bashkëshorti kishte dhe një truall prej 1000 m2 katrorë në periferi të Tiranës me vlerë 9 milionë lekë, ku përfshihet dhe një ndërtim prej rreth 90 m2.
Por mesa duket ka mjaftuar vetëm një vit që Altin dhe Alda Klosi të blinin një apartament në Tiranë prej 72 metrash katrorë me vlerë rreth 32 mijë euro, financuar pjesërisht nga një kredi prej 2 milionë lekësh, 950 mijë lekë të tjera i kanë marrë borxh dhe nga një garanci financiare të një prone me qira. Nga viti 2017 deri në vitin 2021 kur ajo dhe u divorcua nga bashkëshorti, pasuria e saj nuk pati ndryshime të mëdha. Ndërkohë vetëm një vit më pas, tashmë e divorcuar ajo bëhet pronare e dy apartamenteve banimi në Lezhë, me vlerë gati 8 milionë lekë që të dy. Ndërkohë ajo shlyen kredinë e marrë në 2017 për blerjen e apartamentit në Tiranë, dhe bëhet pronare me të drejta të plota.
Në vitin 2022 ajo deklaron se ka përfituar tre pasuri të lëna trashëgimi nga familja. Por në asnjë nga deklarimet e saj të pasurisë ish-shefja e Kabitetit e ish-ministrit Arben Ahmetaj nuk ka deklaruar për shumën e madhe të pareve prej 120 mijë eurosh që mbante në banesë. Në gusht të vitit që kaloi, Klosi ka dorëzuar në ILDKP deklaratën e fundit dhe të plotë të pasurisë, si detyrim ligjor para emërimit në funksionin e drejtores së kabinetit në Ministrinë për Rindërtimin dhe Programin për Reformat, e drejtuar nga Arben Ahmetaj. Nga deklarata e siguruar nga Report Tv rezulton se zonja Klosi nuk ka deklaruar shuma parash në banesë dhe as bizhuteri. Nga ana tjetër, Alda Klosi ka denoncuar pastruesen Rozeta Dobin se i ka vjedhur 120 mijë euro dhe bizhuteri në banesë. Në një intervistë për mediat, Klosi ka pohuar se paratë janë të xhaxhait të saj dhe se i kishte deklaruar sipas ligjit.
Ligji për deklarimin e pasurisë, neni 4, parashikon detyrimin e zyrtarëve që janë subjekte deklaruese, siç është edhe Alda Klosi, që të deklarojnë gjendje parash në cash jashtë sistemit bankar, çdo send me vlerë mbi 300 mijë lekë, dhuratat me vlerë mbi 10 mijë lekë, shpenzime, vlerën e likuiditeteve, llogari rrjedhëse etj. Në deklaratën e fundit dhe të plotë të pasurisë Alda Klosi nuk ka deklaruar asnjë lekë cash. Por, nuk dihet nëse zyrtarja e shtetit i ka pasur paratë në banesë para apo pasi ka bërë deklarimin e fundit të pasurisë. Ndërkohë Klosi deklaron dy apartamente që i kanë dhuruar në Shëngjin në vlerën 7.5 milionë lekë ose rreth 70 mijë USD,
Deri më tani ka pasur deklarata kontradiktore nga ajo. Në fillim Klosi deklaroi se ato para nuk ishin të sajat por të xhaxhait të saj dhe se në momentin e vjedhjes ajo nuk kishte qenë në Tiranë por në SHBA, kjo u hodh poshtë pas dëshmisë së dhënë para hetuesve ku tregoi se në momentin që e bija e ka marrë në telefon ajo kishte qenë në Agjensinë e Mbikqyerjes Financiare. Burimi i atyre të ardhurave mbetet ende një mister i madh për policinë dhe prokurorinë. Si u pasurua Alda Klosi kaq shpejt dhe kush është burimi i saj financiar?! Su u bë ajo pronare e dy apartamenteve në Shëngjin?! Cili ka qenë roli i saj në fondet e Rindërtimit gjatë kohës që ka punuar në këtë ministri krah Arben Ahmetajt?! Këto janë vetëm disa nga pyetjet që drejtësia shqiptare ende nuk i ka dhënë përgjigje.
Nga ana tjetër Rozeta Dobi dhe bashkëpunëtori i saj në këtë krim Havier Dobi, i cili është i biri janë pas hekurave për akuzën e vjedhjes. Ajo është shprehur para hetuesve se gjithçka e ka bërë pasi e urrente Alda Klosin pavarësisht se prej 5 vitesh punonte për si pastruese në banesën me qera në “Rrugën e Kosovarëve”. Sot opinioni publik është ende pa një përgjigje dhe për 400 mijë eurot e gjetura në tubin e aspitratorit në shtëpinë e Dobit, të lujt janë ato para? Ka ende shumë pikpyetje për këtë çështje dhe rrjedha që po ndjekin hetimet me shumë mundësi ato para do i lënë pa zot dhe sipas ligjit do të kalojnë në llogari të shtetit./Newszone
(Kliko këtu për të lexuar deklarimin në ILDKPKI në viti 2017)
(Kliko këtu për të lexuar deklarimin në ILDKPKI në vitin 2018)
(Kliko këtu për të lexuar deklarimin në ILDKPKI në vitin 2019)
(Kliko këtu për të lexuar deklarimin në ILDKPKI në vitin 2020)
(Kliko këtu për të lexuar deklarimin në ILDKPKI në vitin 2021)
(Kliko këtu për të lexuar deklarimin në ILDKPKI në vitin 2022)
