Moderatorja Katerina Trungu rrëfeu në emisionin “Stay Tuned” njohjen me bashkëshortin e saj në radio. Ajo vë në dukje se fakti që është bërë nënë në një moshë relativisht të re, 26-vjeçare i ka ndryshuar jetën, duke shtuar se djali i ka dhënë forcë dhe vetbesim.
“Dita e parë ka qenë takim me stafin, ndarje detyrash, një grup të rinjsh që sot kanë zënë një vend në televizion, kisha shumë emocione. Dy muaj më vonë ishte bashkëshorti im që ishte DJ që më vonë nisi të më ngacmonte. Radio Tirana për mua është shumë e rëndësishme, një shkollë, eksperienca që më duhej, por edhe vendi ku gjeta dashurinë dhe e kam si një tempull. Dashuria e parë është edhe në jetën time, bashkëshorti im, edhe e gjeta pikërisht aty (në radio). Kemi edhe një vogëlush, Deon e vogël, është 4 vjeç e gjysmë tani. Ka shumë qejf edhe ai të punojë në radio dhe TV. Kam qenë e re, 26 vjeç. Kur shoqet e mia akoma s’kanë bërë fëmijë tani që po shkojnë 31, them sa e re kam qenë. Ka ndryshuar shumë jeta. Nuk pendohem kurrë që jam bërë mami e re. Më ka rritur në shumë aspekte, veçanërisht në atë që unë e vë re fuqishëm. Unë e falënderoj djalin sepse më dha shumë vetbesim. Më ka dhënë një lloj force që nuk e dija që e kisha. Më ka bërë të guximshme. Deo më ka bërë trime, më ka bërë të fortë. Deo e gjeti Endri si emër që do të thotë Zot. Më goditi, ishte e shkurtër, e bukur. Kam qenë 6-muajshe shtatzënë kur Endri më thotë që kishte takuar dikë, djali i të cilit kishte një emër të ngjashëm. Më thotë: Ta ndërrojmë, sepse nuk dua që të thonë vuri emrin e djalit të tij. Por unë kisha dy muaj që i thërrisja ‘Deo’ djalit në barkë. Dhe në atë moment kam qarë, jo sepse më duket sikur po ma merr Deon!”.
Ndër të tjera ajo zbulon se cili ishte hiti i dashurisë.
“Endri gjithmonë më përshëndeste te emisioni i darkës. Hiti ynë i dashurisë është Robbie Williams, ‘Angles’, madje kemi vendosur për të kërcyer kur bëmë ceremoninë martesore”.
