Paraditen e së enjtes në Lezhë ndodhi një aksident automobilistik në aksin “Lezhë-Shëngjin” në vendin e quajtur “Kthesa e Knallës”, ku një automjet kishte përplasur një motor dhe drejtuesi ishte larguar.
Në fillim u raportua si aksident, por në fakt rezultoi se 25-vjeçari Antonio Uldedaj e kishte përplasur qëllimisht 32- vjeçarin Marsido Pati për shkak të konflikteve për zgjidhjen e martesës me të motrën.
25-vjeçari është shpallur në kërkim nga Policia.
Me cilësinë e provës materiale u sekuestruan automjeti dhe motomjeti që u përfshinë në këtë rast. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprën penale “Vrasja për shkak të marrëdhënieve familjare”, mbetur në tentativë.
