TIRANË– Ka nisur konferenca e përbashkët mes kryeministrit Edi Rama dhe kryeministrit hungarez Viktor Orban në Kryeministri. Gjatë fjalës së tij Ram vlerësoi marrëdhëniet mes dy vendeve duke e cilësuar Hungarinë si një nga avokatet më të mira të Shqipërisë në BE. Nuk munguan as batutat.
Edi Rama: Falë përkushtimit të tij ne kemi hyrë në një fazë të re të marrëdhënieve ekonomike mes Shqipërisë dhe Hungarisë. Hungaria është një nga avokatët më të zëshëm të BP në BE dhe një nga forcat më progresive të zgjerimit të BE. Hungaria dhe Orban e kanë mbrojtur vijimësisht dhe pa kushte procesin e përshpejtimit të integrimit të Shqipërisë në BE. I jam mirënjohës se kjo mbështetje nuk ka qenë vetëm me fjalë por dhe e konkretizuar me ekspertizë të vënë në dispozicion për qeverinë tonë. Ndihem mirë kur dëgjoj atë që jam përpjekur ta them, se BE ka nevojë për BP, sic ka nevojë BP për BE. është me rëndësi që ky zë, argument të dëgjohet pa ngurrim nga ana e të gjithëve, jam mirënjohës edhe për faktin se Orban ka qenë dhe është shtytës i invesitmeve hungareze në vendin tonë. Sot kemi kompani që janë hungareze, me të cilat jemi të kënaqur për cilësinë e lartë e që kanë sjellë, për respektin që tregojnë ndaj vendit. Duam më shumë kompani, kemi folur për të sjellë më shumë në fushën e energjisë dhe shpresoj në fushën e turizmit. Kjo është bërë një urë lidhëse mes nesh. Janë ambasadorët më të mirë të Hungarisë në Shqipëri. Në kohën kur nuk mund ti jepte Shqipërisë investime direkte, i dha një princeshë që u bë mbretëresha e Shqipërisë. Jam i bindur që mbretëresha Geraldinë po të shikon, është mirënjohëse në emër të Shqiptarëve që je këtu.
