TIRANË– Nis “Lufta e ftohtë” në Partinë Demokratike zyrtare. Raportohet se pas vendimit të marrë në Kryesinë e PD në mbledhjen e bërë disa ditë më parë se zgjedhjet për kryetarin e partisë të mbahen më datë 29 korrik, Gazment Bardhi, i cili mban dhe postin e kreut të gruopit të PD-së është “kundër” dhe ka këkruar që të mblidhet Këshilli Kombëtar, si një nga organet që ka për funksion dhe mirattimin e vendime të Kryesisë.
Sipas saj që raporton News 24 shumica e Kryesisë që votuan pro 29 korrikut, nuk kërkojnë mbledhjen e Këshillit Kombëtar, por kërkojnë që organizimin e zgjedhjeve ta kryejë vetë ky forum duke rënë në këtë mënyrë “ndesh” me statutin e PD. Nga ana tjetër Gazment Bardhi kërkon me ngulm zbatimin e Statutit dhe thirrjen e mbledhjes së KK-së.
Por çfarë thotë statuti i Partisë Demokratike Zyrtare?
Sipas statutit thuhet se vendimet e rëndësishme të partisë duhet të miratohen nga Këshilli Kombëtar. E po ashtu është Këshilli Kombëtar ai i cili miraton Komisionin Zgjedhor që do të merret me menaxhimin e zgjedhjeve në parti. Neni 53 i Statutit thotë se anëtare të këtij komisioni propozohen nga Kryetari i PDSH-së, emërohen nga Kryesia dhe miratohen nga Këshilli Kombëtar.
