Nis marshimi drejt Kryeministrisë, Noka, Bardhi dhe deputetët e PD dalin nga selia

Protestuesit e opozitës kanë nisur marshimin drejt Kryeministrisë të mbledhur nga disa drejtime. Protesta është paralajmëruar ndryshe nga herët e kaluara, pa fjalime por me aksione konkrete në terren. Lidershipi i opozitës ka deklaruar se sot nis mosbindja civile. PD dhe partitë e saj aleate thirrën protestën kombëtare pas burgosjes së Ervin Salianjit. Opozita e konsideron drejtësinë të politizuar, ndërsa një nga kërkesat e forta të tyre mbetet qeveria teknike e cila do të organizojë zgjedhjet e ardhshme parlamentare të 2025-ës. Në këto momente mbështetësit e PD janë mbledhur në oborrin e selisë blu dhe më pas pritet që ata të marshojnë drejt Kryeministrisë. Skenari më i përfolur i kësaj proteste është ai i bllokimit të akseve rrugore dhe kryeqëzimeve më të rëndësishme të Tiranës, duke paralizuar qarkullimin.