PODGORICË– Ka nisur takimi mes qeverisë shqiptare dhe asaj të Malit të Zi. Kryeministri Edi Rama dhe kabineti qeveritar janë pritur me një ceremoini zyrtare nga kryeministri malazez Dritan Abazoviç. Pamjet nga takimi i ka ndarë vetë kryeministri Rama në rrjetin social Facebook.
Pas nderimit të himneve kombëtare të dy vendeve kryeministrat kanë takuar kabinetet përkatëse dhe kanë shtrënguar duart. Kjo është mbledhja e dytë qeveritare mes Shqipërisë dhe Malit të Zi. Takimi do të zhvillohet në Podgoricë, në ndërtesën e re të Akademisë së Shkencave dhe Arteve të Malit të Zi (CANU). Në këtë mbledhje do të nënshkruhen disa marrëveshje mes të cilave dhe për ndërtimin e urës së lumit Buna si dhe hapjen e pikës kufitare Shën Nikollë – Pulaj.
