RROGOZHINË– Pas më shumë se katër orësh nga mbyllja e procesit të votimit ka nisur numërimi i votave për kryebashkiakun e Rrogozhinës. Procesi u vonua, ishte pasi komisionerët erdhën me vonesë në KZAZ. Pjesëmarrja në zgjedhjet e sotme në Rrogozhinë ishte 36%, 4% më shumë se në 14 maj.
32 mijë e 826 qytetarë me të drejtë vote kishin mundësi këtë të dielë që të votonin për të zgjedhur kryebashkiakun e ri të Rrogozhinës. Procesi nisi në orën 07:00 dhe u mbyll në orën 19:00. Ndryshe nga 14 maji këtë të dielë votuan vetëm një fletë votimi, atë për kryebashkiakun, ku i pari në fletën e votimit ishte i renditur kandidati socialist Edison Memolla dhe numri 2 Shkëlqim Hoxha nga “Bashkë Fitojmë”. Po të njëjtët si në zgjedhjet e 14 majit por procesi i përsërit pas shkeljeve që Kolegji Zgjedhor hasi në procesin që i dha fitoren socialistit Edison Memolla. Të burgosurit, të cilët i dhanë fitoren Memollës nuk mundën të votojnë pasi ishte pikërisht kutia e burgut të Rrogozhinës që bëri që zgjedhjet të përsëriteshin pas shkelje të konstatuara.
