Kryediplomatja e Kosovës, Donika Gërvalla Schëarz në fillim të fjalimit të saj në Këshillin e Sigurimit të OKB-së ka thënë se shefi i diplomacisë serbe, Ivica Daçiç u lejua që të flasë në gjuhën e popullit të tij në seancë, ndërsa asaj si përfaqësuese e Republikës së Kosovës nuk iu pranua kërkesa që të flasë në gjuhën shqipe. Megjithatë Gërvalla ka thënë se fjalimin e saj do ta vazhdojë në gjuhën angleze.
“Edhe unë bëra kërkesë që të flasë në gjuhën shqipe, por diçka e tillë nuk mu aprovua. Megjithatë do të vazhdojë të flasë në gjuhën angaleze”, ka thënë Gërvalla.
Në këtë seancë do të raportojë Përfaqësuesja Special e Sekretarit Gjeneral, Caroline Ziadeh. Lajmin për pjesëmarrjen e kryediplomates në seancën dëgjimore e ka dhënë Ministria e Punëve të Jashtme dhe Diasporës e cila përmes një njoftimi zyrtar bëri me dije se Gërvalla Schëarz do të marrë pjesë në seancën e sotme të Këshillit të Sigurimit, pavarësisht përpjekjeve nga Rusia që të parandalojë përfaqësuesin e Kosovës të jetë prezent.
