TIRANË– Këtë të hënë do të zhvillohet testimi i informatizuar për maturantët që duan të ndjekin studimet në Mjekësi të Përgjithshme në Fakultetin e Mjekësisë. Provimi do zhvillohet në QSHA dhe do të zgjasë deri në datën 23 gusht dhe vetëm 400 nxënës do të shpallen fitues nga 1813 studentë që kanë shfaqur dëshirën për të ndjekur studimet në këtë degë.
Përveç fituesëve, Universiteti do të pranojë edhe 30 studentë nga trojet (5 Kosova, 5 Maqedonia e Veriut, 5 Mali i Zi, 5 Presheva, 5 Bujanovci dhe 5 Medvegja), 1 nga komuniteti rom, ballkaniko dhe egjiptian, 2 persona me aftësi të kufizuar, 1 me statusin e jetimit dhe 30 transferime. Në total numri i kuotave është 464 studentë për vitin e parë.
Me ndryshimet e fundit në ligjin e qeverisë studentët që do të regjistrohen në këtë vit studimi do të duhet të nënshkruajnë një kontratë me shtetin, e cila i ndalon të ikin për punë jashtë vendit 5 vite pas studimeve dhe u ofron punësimin në sektorin shëndetësor publik por pa u specifikuar qyteti, spitali apo dhe kushtet e punës. Kjo solli dhe protesta të studentëve të Mjekësisë.
