Ditën e sotme ka nisur viti i ri shkollor 2023-24 dhe Presidenti Bajram Begaj ka bërë një urim për të gjithë nxënësit, mësuesit e prindërit në Shqipëri. Presidenti i uron suksese në veçanti nxënësve të cilët do të fillojnë klasën e parë. Begaj shprehet se puna dhe përkushtimi i sotëm i tyre do të ndërtojnë Shqipërinë e së nesërmes.
Urimi i tij:
‘Suksese në vitin e ri shkollor për çdo nxënës, mësues dhe prind në Shqipëri, e në veçanti për të gjithë ata nxënës që hyjnë në klasë të parë! Puna dhe përkushtimi juaj i sotëm, ndërtojnë Shqipërinë e së nesërmes.’- shkruan Begaj.
