Ditën e sotme në qytetin rus të Soçit në bregun e Detit të Zi kanë nisur bisedimet midis Presidentit rus Vladimir Putin dhe presidenti turk Rexhep Tajip Erdogan. Përpara se të fillonin bisedimet të dy liderët shtrënguan duart. Putin, duke përshëndetur liderin turk tha:
“Nëse dëshironi, ejani me pushime këtu, është shumë mirë”.
“Ky është takimi ynë i parë që nga zgjedhjet në Turqi. Dëshiroj t’ju përgëzoj edhe një herë për rezultatet zgjedhore.”
Nga ky takim pritet që bisedimet të fokusohen në ringjalljen e marrëveshjes së drithërave, nga e cila Rusia u tërhoq në korrik. Sipas palës ruse do të bisedohet për një propozim nga Moska për të furnizuar Turqinë me 1 milion ton drithë ruse, e cila më pas do të shpërndahet në vendet më në nevojë, me ndihmën financiare të Katarit. Javën e kaluar, Ministri i Jashtëm Sergej Lavror pas bisedimeve dypalëshe në Moskë me homologun e tij turk javën e kaluar,përsëriti se Rusia do të ishte e gatshme të ribashkohej me marrëveshjen e grurit të Detit të Zi nëse do të zbatohen kushtet që ka kërkuar Rusia. Sipas agjencisë zyrtare të lajmeve TASS pjesë e diskutimeve të sotme mund të jetrë edhe furnizimi me gaz natyror nga Rusia në Turqi.
