Deri më tani Algjeria nuk ka dhënë ende një koment zyrtar për vrasjen e dy turistëve.
Hetimi për vdekjen e një prej të rinjve Bilal Kissi, “pas zbulimit të trupit të tij në plazhin në Saidia” u hap të premten nga zyra e prokurorit maroken.
Saidia është një vendpushim veror i njohur bregdetar pranë kufirit me Algjerinë dhe është i njohur për plazhin e gjatë dhe sportet ujore.
Kissi, i cili jetonte në Francë, ishte larguar me jet ski nga Saidia me vëllain e tij më të madh Mohamed, kushëririn e tyre maroken Abdelali Mechouar dhe mikun e tyre Smail Snabe, i cili gjithashtu thuhet se ishte francezo-maroken.
Ja çfarë thotë Mohamed Kissi:
“Ne humbëm rrugën, por vazhduam derisa u gjendëm në Algjeri. Ne e kuptuam se ishim në Algjeri sepse një gomone e zezë erdhi drejt nesh dhe marina filloi të qëlloj”.
Mohamed Kissi pas të shtënave ishte në gjendje kthehej në Marok dhe të raportonte se çfarë kishte ndodhur.
Ai u tha autoriteteve se 4 miqtë kishin humbur dhe kishin mbetur pa karburant kur u kapën nga marina.
Trupi i Mechouar është ende në Algjeri, raportuan mediat marokene të premten, duke shtuar se Snabe ishte plagosur dhe është arrestuar nga autoritetet.
Bilal Kissi u varros të enjten në fshatin Bni Drar pranë Oujda, një qytet në kufi me Algjerinë, në prani të dhjetëra të afërmve.
