Duke filluar nga sot, godinat e konvikteve në “Qyetin Studenti” kanë hapur dyert për të pritur studentët të cilët duhet të regjistrohen online në aplikacionin “qytetistudenti.tirana.al”. “Qyteti Studenti” ka në total 22 konvikte. 9 prej tyre janë rikonstruktuar, ndërsa 5 të tjera janë në proces.
Drejtoresha e “Qytetit Studenti”, Anila Shehu thotë:
“Kushtet jane të një standardi të lartë. Këto konvikte mund ti gjesh lehtësisht në cdo vend të europës. Kapaciteti i nje dhome është vetëm dy studentë. Në kat ka kuzhinën, sallën e studimit, ka një risi që është salla e internetit dhe ka edhe lavanderi.”
“Në çdo vit kemi qenë me kapacitet plot. Regjistrimet janë hapur ne 9 dhe është ora 11 nuk ka asnjë vend të lirë te konviktet e reja”
Tarifat për studentët variojnë nga 4500 deri në 5500 lekë në muaj. Në “Qytetin Studenti” mund të akomodohen deri në 4600 studetë, ndërsa së bashku me 7 godinat e Universitetit Bujqësor numri në total shkon në 6506 studentë.
