TIRANË– Këtë të premte ka nisur dhe regjistrimi për klasat e 10-ta në sistemin e-Albania. Lajmin e ka bërë me dije ministrja e Arsimit dhe Sportit Evis Kushi. Përmes një njoftimi në rrjetet sociale Kushi bën me dije se rregjistrimet do të zgjasin deri më 20 korrik.
POSTIMI:
Të dashur nxënës dhe prindër. Tashmë në sistemin e-Albania kanë nisur regjistrimet e nxënësve në klasat e dhjeta për vitin shkollor 2023-2024, të cilat do të vazhdojnë deri në datë 20 korrik. Siç e dini, formulari i regjistrimit plotësohet në bazë të vendbanimit duke ndjekur procedurat e lehtësuara që zgjasin vetëm pak minuta, duke përjashtuar dorëzimin e dokumentacionit me prezencë fizike. Suksese të gjithë nxënësve në këtë cikël të ri arsimor!
