TIRANË– Kryeministri Edi Rama është shprehur se vendi ynë nuk ka përfituar asnjë investim nga njisma “17+1” e Kinës. Gjatë koferencës së përbashkët me kancelarin gjerman Olaf Scholz në Berlin kreu i qeverisë tha se bashkëpunimi i Shqipëerisë me Kinën është një bashkëpunim normal.
Pyetje: Qeveria gjermane po ashpërson kursin e sistemit kinez në sistemin 5G, a duhet t’i largojmë? Shqipëria është pjesë e 17+1, a do jeni aktiv në këtë iniciativë?
Olaf Scholz: Bëhet fjalë për zbatimin e ligjeve dhe kompetencat janë në dispozicion për të gjithë. Më shumë nuk kam çfarë të them.
Edi Rama: E kemi bërë shumë kohë më parë zgjedhjen për 5G, nuk kemi asnjë problem. Ne jemi pjesë 4 e formatit 17+1, edhe pse Shqipëria është vendi që nuk ka përfituar asnjë investim, nuk e di ku e bazoni këtë bashkëpunim shumë të ngushtë me Kinën. Për shumë arsye bashkëpunimi ynë është fare normal dhe krahasuar me vendet e tjera është irrelevant. Komunikimi me të gjitë është “A” dhe besoj që vendet demokratike dhe që besojnë tek vlerat e dialogut duhet që të japin shembullin. Kaluam gjysmë shekulli duke mos i folur askujt dhe nuk ia pamë hajrin.
