TIRANË– Në Komisionin për Veprimtarinë Prodhuese të mbajtur këtë të martë, ishte e pranishme deputetja e Partisë Demokratike, Jorida Tabaku, ku argumentoi propozimet e saj për ndryshimet në ligjin e koncesioneve, që nga ndalimi i dhënies së kontratave publike drejtuesve të kompanive me të shkuar kriminale te verifikimi i kapitalit apo burimi i të ardhurave, me fokus të veçantë te përgjegjësia individuale e punonjësve publike që firmosin për koncesionet apo Partneritetet Publike-Private, duke hedhur akuza se nëpërmjet ligjit aktual janë favorizuar edhe kompani ruse
“Në projektligj kemi forcuar akoma më tej mekanizmin kontrollues duke shmangur sa më shumë fshehjen pas përgjegjësisë kolektive dhe parashikimin në mënyrë eksplicite të përgjegjësisë personale të çdo nëpunësi që merr pjesë në një procedurë për dhënien e një koncesioni/PPP”
Ne kemi këto ditë për koncesione që qeveria shqiptare i ka dhuruar një oligarku rus apo kompanive ruse të lidhura ngushtësisht me qeverinë ruse. Madje kemi mësuar se si kompani nga oligarkët rus kanë marrë dhe titujt strategjikë nga qeveria Rama.”
Iniciativa nga Tabaku u rrëzua nga ana e përfaqësuesit të Ministrisë së Financave dhe Ekonomisë në Komision, Edmond Ahmeti
“Mund t’iu themi se është iniciuar procesi me një urdhër kryeministri me një grup pune, për të filluar punën për ndryshimin e ligjit. Ndaj edhe qëndrimi ynë ka qenë se jemi në proces dhe të dy çështjet mund të përfshihen në një,”
